BV-reis '09

Kweetet kben vroeg an maar kheb dan ook al een interessante mededelingk:

Een vriendinne van mn ma (ex collega) is verhuist noa Frankrijk en verhuurt daar ook een chalet waar we wel met 10 in kunn.
't Ligt in de Périgord, de streek van Bordeaux. En ja...er ligt een zwembad aan
In september vraagt ze 600 euro. Tis ng een aangenaam vrouwmens, ze drinkt geirn Bier en Bordeaux natuurlijk (ze wos ekji pinne ip de persooneelsfeest). En met euren auto zou zie wel kji willn shoppn voor oes (zei mn ma). Dusja kweenie, kgoa nog ekji informeern wuk dawwe doa kunn doen van activiteiten enol, oe dicht dat van 'tstad ligt enzo... enja, tis ol een optie é dachtek zo

XX

Ma tis ol in't frans

Sammy, dat is een vrji goe gdacht zouk zo zegn. De périgord is trouwens heel mooi. en 600 euro is niet veel, het is zelfs minder dan dat van in de ardennen ak me nie vergis.

en da frans ga wel gin probleem zien zeekr, kzal kik mien beste frans wel eens boven halen

Klinkt zeeekr nie slecht
behalve dan da Frans xD

We zoudnt best wel nie te lange wachtn want tis populair, wil iedreen keer zn gedacht zeggn en keer checkn oj gin erexaams meer gaat én? X

Kzie da wel zitn, als ik nateurlijk mee kan. Kvinne da nie zo erg wi da Frans, in d'ardenn wost ollik wok int frans tedoen. Endabie Sammy's Pa is Frans.

samuhe schreef:Kzie da wel zitn, als ik nateurlijk mee kan. Kvinne da nie zo erg wi da Frans, in d'ardenn wost ollik wok int frans tedoen. Endabie Sammy's Pa is Frans.

Topn dt da tn weer nhuis is waardaj ip de vloer mag kotsen, é huyghe xD

jammaar, ginder at wel nie gezegd dat da nie mocht é. Anders ging ik da nie gedaan een.

zekr verdr informern, en vraag voor evntuele foto's

andrs frankrijk geen probleem,
voor de periode gaak evn moetn checkn in school ivm me tweede zit enzo (gowja nie dak der gaa één ofzo )

ja, foto's zoudn wel handig zijn ^^ daw al keer 'n idee ebn vn oe dat deruit ziet

ma kmoe zegn, kziet alweer heel zitn zelf al ist nog 'n heel eind xD

klinkt goewd, maar die foto's van dat huis is niet et belangrijkst dachtek, zolang daw dr mt zn allen in kunnen
wat belangrijker is: wat kunnen we daar allemaal doen? een hele week ant zwembad liggen is owk niet alles is et makkelijk bereikbaar enzo van die dingn zoals samuel al eerder had vermeld
ivm de erexaams gaak dr vrzkrs wl ebn mja aj de tweede weke vn september pakt gaan ze wl verre vo iedrjin gdaan zien
dsja das wk al nie mir echt e problim

Ké gebeld noa die madam voe wa basic info mor in september gaan ze dat huis renoveren dus gaat nog nie voe vandjare zun... Kpeis damme best achter de exams ekji tegare zittn met een Pils in de hand, anders zun da geen doeningn é...
Ze zei ook, als we we naar Frankrijk gaan dawwe dan best nen auto huren/meepakkn want teegn daj doa soms e superette tegenkomt... Da wast.

ja das e goe idee, wgaan dn me e pintje achtr de examens (vo mij wl na 30 januari )
e kir hersenstormen vooral mie dien pils in de hand ziek da wl zitn

BV_Tanghe(penningmeester) schreef:ja das e goe idee, wgaan dn me e pintje achtr de examens (vo mij wl na 30 januari )
e kir hersenstormen vooral mie dien pils in de hand ziek da wl zitn

k'zou meer zien zitn me meerdere pilsen in de hand .. ^^

had'k maar meer dan 2 handn...

Of 1 kweetnie oe groot glas.
Of nog beter, nen tap met een slange an

samuhe schreef:Of 1 kweetnie oe groot glas.
Of nog beter, nen tap met een slange an

me die slang alleen ziej wl ni echt vele, kzou dr wk ng e vatje an angn ak vn joe ware

Da sprikt toch vanzelf é Thibault. Onder tap versta ik ook vat erbij.
btw. eb je dinsdag examen? Eb je anders goeste voor maandagavond (morgen of vandaag of oe da je da beschouwd) gin Leffe te komn drinkn?
Andere BV's die vrij zin meugn gerust ook afkomen voor een pintje te komn drinkn. Lat et geweun weten dak genoeg Bier in huis é.
aanbod geldig zolang de voorraad strekt.
staat eigenlijk ist misse forumonderdeel maja. kzin lik bitje te leeg vo te veranderen van forum

samuhe schreef:Da sprikt toch vanzelf é Thibault. Onder tap versta ik ook vat erbij.
btw. eb je dinsdag examen? Eb je anders goeste voor maandagavond (morgen of vandaag of oe da je da beschouwd) gin Leffe te komn drinkn?
Andere BV's die vrij zin meugn gerust ook afkomen voor een pintje te komn drinkn. Lat et geweun weten dak genoeg Bier in huis é.
aanbod geldig zolang de voorraad strekt.
staat eigenlijk ist misse forumonderdeel maja. kzin lik bitje te leeg vo te veranderen van forum

nope gin exaamn morgen, sbiet vrtrekn vo mn eerste examen... veeeeeel te nerveus mja swat
alsek ne vélo vind (wat vermoedelijk geen probleem zal zijn, gaak wl kir afkomn)
oe laat?

Tis algelijk. Komt a je tijd ebt. Kwil gerust ook tegare eetn. we kunnen ton nog naar de colruyt gaan. zeen daar Bier en ol.

samuhe schreef:Tis algelijk. Komt a je tijd ebt. Kwil gerust ook tegare eetn. we kunnen ton nog naar de colruyt gaan. zeen daar Bier en ol.

zou wk kunn ma kvermoed daj dn warm gaat eetn en ik ben nu bezig me warm te eetn dsja da gaat wk al wr nie e
gowja 2 kir warm is wa te zwaar lik e

tja, kwestie van 'n goeie fong te één

BV_Koentj (PR) schreef:tja, kwestie van 'n goeie fong te één

da ga nie nodig zien wi, tis opt gemak... examens aj da kent

om wer ebie tjuste topic t komn..
dus w kunnen waar (ongvr) en wanneer al vastleggn
waar?: ardennen, bovenfrankrijk, onderfrankrijk, nederland, roeselare,...
en wannr?: september dacht'k

BV_Koentj (PR) schreef:om wer ebie tjuste topic t komn..
dus w kunnen waar (ongvr) en wanneer al vastleggn
waar?: ardennen, bovenfrankrijk, onderfrankrijk, nederland, roeselare,...
en wannr?: september dacht'k

DUITSLAND!