Schoolreis 5MTWe

Ip een regenachtige dunderdagmiddag kwam delbecke 5MTWe dus oaln om te vertrekkn naar Trois-Points. Et beloofde een schittrend weekendje te worden doordrenkt met Bier :p dus de verwachtingen waren groot vooral dus bie de BV’s Perre, Koentj en Sammy
We gingn dus te voete noa de statie met den trein noa trois-pints euh ponts en toen te voete noa de camping woar dawe oeze tentjes konden ipzettn. (onderweg werd er nog gespeeld ip et speelplein) De BV-tent was als eerste opgezet:p alleen de materiaaltent van Koentj was e bitje beschimmeld en de luchtmatras van Sammy werd al snel platgestekt door een rondslingerend mes. Mja ondanks dawe nog geen Bier gezienn adn zat de sfeer er al goed in :p
Na oeze installatie en veel gezever en gitaargetsjingel waren we klaar om te vertrekkn voor nen dropping. We werden in 3 groepen verdeeld. De BV’s en e bende leutigaars zaten in groep 1 en wed moestn tope in een camenette kruipn met groep 2 waaronder CV’s zoals Mongsje en Vyncke. Wiedr werden eerst afgezet langs een aardewegeltje en moestn de weg vindn naar een dorp zo’n 5 kilometer verder. We amuseerden oes met Fiero drinkn die Perre meegepakt ad, met noa de stern te kijkn, foto’s trekn (Koentj toch:p) wijvn doenn verskietn, vooral Elien verschoot van de mooie verschijning, genaamd Sammy :p Sammy las dus ook heelsan de kaart en omdat ie vond dat de sfeer er zo goed in zat eeft ie nog een lusje bijgepland. Na een lange tocht viel Perre in een steile helling nog ekjir ip zijn gat op een mooi paadje dat Sammy goe gezien ad. En e bitje verder én we in ons mooiste Frans de weg gevroagd an een paar Waalse flikkn. Aangekoomn in et café dachtn we dawe gewonn adn mja die strevers van groep 2 adn undr verstopt in e gangsje… nie grappig. In da café én we natuurlijk pintjes zitn puln (ze adn zelfs rodenbach) en skwonne foto’s zitn trekkn en e skwon klaksje gevondn (zie foto’s) Een uur en een hoop pintn later zun we toen vertrokken noa de camping woa dawe nog wa flossn drank (martini, Leffe blond en bruin, pinnacolada…) ebn oopngedaan. Ook ét Delbecke nog e sigaretje zitn saffn :p (zie foto’s) en werden we verrast door Jo die begost te rappn. Ook Vyncke deed een poging… Toen we gingen gaan slaapn werden we nog deur F.P. verrast ip een mooie kotspartij in de WC’s.De volgende dag kroopn we ut oeze tente waardat we me 7 inlaagn en kostn we stutn me choco eetn :p Toen dawe geetn adn kostn we te voete vertrekkn noa de kajak. Onderweg werden we nog verrast (of vergast) door de optimale werking van Sammy’s darmen. Toen dawe aankwaamn én Sammy en Perre nog een fles water leeggedronkn door nadust (briefje van ouders volgt nog). Na de deskundige uitleg van Lode (de antweirpse begeleider) kostn we vertrekkn toen we al in et water laagn liep Vynckes boot al snel vol met water en moest ie de tocht verder nat afleggn :p 9km verder moestn we eruit en da wos wel fris an de vis. Perre werd ook nog nat gemakt deur Arne :p Toen dat iedereen verkleed wos mochtn we eetn: pasta met kaas esp of geirnoars: “lekkr dienn dinge”. Achtr dawe geetn adn kostn we vertrekkn voor nen mountainbiketocht. Ge kost kiezn tussn ne zware tocht en ne lichtn BV’s Perre en Koentj kozen voor de lichtn, Sammy koos natuurlijk voor de zwaarn tope met Wardj. Na de uitleg van de Lode kostn we were vertrekkn. Nuja der is nie echt iets noemenswaardig gebeurd peizk. Buitn da Vyncke were pech had met z’n vélo :p hah. Nuja de zware tocht was lijk aangekoomn en blijkbaar was de lichtn al hout gaan sprokkelen. De andere zijn dan gaan elpn buitn BV Sammy die zjir ad in z’n hoofd. Na al et hout sprokkelen moest alles klaargemaakt worden voor de laatste avond. Alles= barbecue in gangk steekn, drank in de beek gaan leggn, kampvuur klaarzettn, groesels snienn, vlees voorbakkn…. Daorachter wos er aperitief. (De drankn kuj bekijkn bij foto’s) Na al et aperitieven en het lustern noa Delbecke die weer aan et goan wos en kritiek ant geevn wos ip Wardj die heelsan z’n handn in z’n zakn stak ofzwo :p Kostn we beginn met eetn: brochetten, kippefilet en worstn. Wén toe wok beginn met Bier drinkn (twas er wel uit blik) Iedrjin ét lijk goe gegeetn butn Perre die niet gegeetn ad :p Na et eetn én we toen het kampvuur in gangk probeern te steekn. Deur da oes hout nat wos en et regende ét lang geduurd mo twos toch gelukt. Doar én we toen ook nog Bier zitn drinkn enol en een heel eind laatr én we toen noar oes tentn gewist deur veel regen enzwo. Daar werd er toen nog wa gebabbeld gedronkn van tentn gewisseld en werd er uiteindelijk ook geslapen.
Den dag erip (de latsn dag) woarnt were stutn me choco (nutella J) Na et ontbijt moestn we oeze tentn ipkraamn en oes greedmaakn voor het vertrek L Doarachter zun we toen te voete noa Trois-Ponts-city gewist, onderweg én we natuurlijk nog wa gespeeld ip et speelplein. Aangekoomn in trois-points-city én we nen fotozoektocht gedaan. Daar én BV Perre en BV Sammy en Frits (BV in spe?) ol van de gelegenheid gebruik gemakt om een pintje te goan drinkn bij de plaatselijke inboorlingn. Uiteindelijk is de ploeg met de BV’s gewonn (Perre, Sammy, Koentj, Frits en Wardj) Toen zun we e fritje goan stekkn in tfritkot en toen vertrokkn met den trein bak to Roeselare. Ip den tring werden er deur Koentj, Wardj, Fien en Elien nog fritn geboeft. Er werd wok gesloapn en BV Perre en BV Sammy werd er nog Bier gedronkn die oovr was van de avond ervoor (als da gin echte zun) Toen kwamn we an in Roeselare waar de meeste opgewacht werden door hun ouders… EINDE Achteraf zun we nog noa de voertbal gewist waar Roeselare won teegn st-truiden 3-2. Nog achteraf én we met alle opperBV’s een pintje goan pakkn noa de Cirque.